മലങ്കര സുറിയാനി കത്തോലിക്കാ സഭയുടെ പ്രഥമ കാതോലിക്കാ ബാവ ആയിരുന്ന, ഭാഗ്യ സ്മരണാർഹനായ മോറാൻ മോർ സിറിൾ ബസേലിയോസ് പിതാവിന്റെ നാമധേയത്തിൽ കെ. എം. ആർ. എം. ഏർപ്പെടുത്തിയിട്ടുള്ളതാണ് മാർ ബസേലിയോസ് വിദ്യാശ്രീ പുരസ്ക്കാരം.
കേരള സിലബസിൽ 10-ാം ക്ലാസ്സിൽ ഏറ്റവും കൂടുതൽ മാർക്ക് കരസ്തമാക്കുന്ന മലങ്കര സഭയിലെ കുട്ടികൾക്ക്, താഴെപ്പറയുന്ന മാനദണ്ഡങ്ങൾക്ക് വിധേയമായി മാർ ബസേലിയോസ് വിദ്യാശ്രീ പുരസ്ക്കാരം നൽകപ്പെടുന്നതാണ്.
മാനദണ്ഡങ്ങൾ
- 2019-2020 അദ്ധ്യയന വർഷത്തിൽ കേരള ഗവൺമെന്റ് പാഠ്യപദ്ധതി പ്രകാരം 10-ാം ക്ലാസ്സിൽ ഏറ്റവും ഉയർന്ന മാർക്ക് വാങ്ങി വിജയിച്ച മലങ്കര കുടുംബാംഗങ്ങളായ കുട്ടികളെയായിരിക്കും ഈ പുരസ്ക്കാരത്തിനായി പരിഗണിക്കുക.
- ഒരു രൂപതയിൽ നിന്നും ഒരു കുട്ടി വീതം 11 രൂപതകളിൽ നിന്നും 11 കുട്ടികൾക്ക് മാർ ബസേലിയോസ് വിദ്യാശ്രീ പുരസ്ക്കാരം ലഭിക്കുന്നു. 10,000/- രൂപയും, ഫലകവും അടങ്ങുന്നതാണ് പ്രസ്തുത പുരസ്ക്കാരം.
- അർഹരായ കുട്ടികൾ അതാത് ഇടവക വികാരിമാർ സാക്ഷിപ്പെടുത്തിയ മാർക്ക് ലിസ്റ്റ് മുഖേന രൂപതാ/അതിരൂപതകൾ വഴിയായി എം.സി.എ. കേന്ദ്രകമ്മിറ്റിയ്ക്ക് അയച്ചു കൊടുക്കേണ്ട താണ്.
- ഒരു രൂപതയിൽ നിന്നും ഒന്നിൽ കൂടുതൽ കുട്ടികൾ ഒരേ മാർക്ക് വാങ്ങി അർഹരായാൽ, പ്രസ്തുത കുട്ടികളുടെ ഇടവകയിലെ മതപഠന ക്ലാസ്സുകളുടെ മാർക്കും, എം.സി.വൈ.എം. ലെ പ്രവർത്തനങ്ങളും പരിഗണി ക്കേണ്ടതാണ്.
- ഇപ്രകാരം തിരഞ്ഞെടുക്കപ്പെടുന്ന അർഹരായ കുട്ടികളുടെ പേരു വിവരവും മാർക്ക് ലിസ്റ്റും, 2020 സെപ്റ്റംബർ 5-ാം തീയതിയ്ക്ക് മുമ്പായി കെ.എം.ആർ.എം. സെൻട്രൽ മാനേജിംഗ് കമ്മിറ്റിയ്ക്ക് ലഭിക്കേണ്ടതാണ്. പുരസ്ക്കാര വിധിനിർണ്ണയം കെ.എം.ആർ.എം. സെൻട്രൽ മാനേജിംഗ് കമ്മിറ്റിയുടെ പൂർണ്ണ നിയന്ത്രണത്തി ലായിരിക്കും. പ്രസ്തുത പുരസ്ക്കാരം പുനരൈക്യ ആഘോഷ വേദിയിലൂടെ നൽകപ്പെടുന്നതാണ്.